Xorvatiya müharibədə iştirakçı olmaq istəmir - AÇIQLAMA
Xorvatiya prezidenti Zoran Milanoviç açıqlamasında bildirib ki: "Prezident olduğum müddətdə Xorvatiya əsgərləri Ukrayna müharibəsində iştirak etməyəcək".
Ukrayna müharibəsi Avropanı iki yerə bölüb və Avropada ciddi fikir ayrılıqları yaradıb. Müharibənin gedişində hansı Avropa dövlətləri Ukraynaya qoşun göndərə bilər? Ukrayna müharibəsinə necə yanaşmaları necədir?
Politoloq Məhəmməd Əsədullazadə mövzu ilə bağlı Crossmedia.az saytına açıqlama verib:
"Rusiya-Ukrayna müharibəsi, əlbəttə ki, Avropa ölkələri arasında fikir ayrılığı yaradır. Fransa və Böyük Britaniya Ukraynaya qoşun göndərməyə çalışır, lakin Xorvatiya bunun əksinə olaraq Ukraynaya qoşun göndərməyəcəyini bildirib. Xorvatiya müharibədə iştirakçı olmaq istəmir, çünki kiçik bir dövlətdir. Ordu göndərmək daha çox böyük dövlətlərin öhdəliyindədir. Çünki Rusiya-Ukrayna müharibəsi Avropanın təhlükəsizliyini və siyasi arxitekturasını ciddi şəkildə təhdid edir".
Həmçinin politoloq bildirib:
Düşünürəm ki, Avropa dövlətləri siyasi fikir ayrılıqlarını kənara qoyaraq Ukraynaya dəstək verməlidir. Əgər Rusiyanın hücumları daha da genişlənərsə, Fransa, Böyük Britaniya, Almaniya və Çexiya Ukraynaya qoşun göndərə bilər. Amma təbii ki, Xorvatiya və Serbiya kimi ölkələr qoşun göndərməyəcək. Ümumiyyətlə, Balkan ölkələri neytral qalmağa çalışırlar".
Nəticə etibarilə Ukraynaya dəstək ola biləcək dövlətləri Politoloq qeyd edib:
"Göründüyü kimi, dövlətlər müəyyən qruplara bölünüblər. Lakin həlledici ölkələr olan Almaniya, Fransa və Böyük Britaniya müharibənin gedişatını dəyişə biləcək əsas güclərdir".
Ayhan Ağarzayev
14:40 14.12.2024
Oxunuş sayı: 5904
