Könüllülükdə gənclərin rolu müzakirə edildi
Heydər Əliyev Mərkəzində “Könüllülükdə gənclərin rolu” mövzusunda genişmiqyaslı tədbir baş tutub. Könüllülüyün fərdi inkişafı və cəmiyyətə faydaları barədə müzakirələr aparılıb.
Tədbirdə müxtəlif sahələrdən tanınmış mütəxəssislər maraqlı mövzularda öz fikirlərini bölüşüblər. Güvən Dayə xidmətinin təsisçi və icraçı direktoru Sara Şavaqatova “Könüllülük fəaliyyətində seçdiyimiz yol”, ÜST, UNİCEF-in milli təlimçisi, Azərbaycan Qızıl Aypara Cəmiyyətinin (AzQAC) “İcmaya əsaslanan sağlamlıq” proqramı üzrə mütəxəssisi Mətanət Qaraxanova “Könüllülükdə gənclərin rolu”, Seni və Bella şirkətinin marketoloqu Fəridə Fərziyeva “Korporativ könüllülüyün faydaları” və Product Manager Könül Hidayətova “Güclü immunitetin açarı” mövzularında təqdimatlar ediblər.
Tədbirin təşkilatçıları arasında Güvən Dayə xidməti, LIBRAFF kitab mağazaları, Azərbaycan Qızıl Aypara Cəmiyyəti, Seni, Bella, Asfarma və digər qurumlar yer alıb.
Aytac Bəhruzqızı
16:45 11.12.2024
Oxunuş sayı: 8786
