Sağlamlıq
Qəhvəni çox içənlər MÜTLƏQ OXUSUN
Qəhvə, dünyada ən çox sevilən içkilərdən biridir və yalnız zövq üçün deyil, sağlamlıq baxımından da diqqətə layiq bir rol oynayır.
Mütəxəssislər bildirir ki, qəhvə doğru miqdarda istehlak edildikdə beyin fəaliyyətini gücləndirir, diqqəti və konsentrasiyanı artırır, eyni zamanda metabolizmanı sürətləndirərək kilo kontroluna yardımçı olur. Qəhvə, yüksək antioksidan tərkibi sayəsində hüceyrələri sərbəst radikalların zərərli təsirlərindən qoruyur və tip 2 diabet, qaraciyər xəstəlikləri kimi xronik xəstəliklərin riskini azalda bilər.
Türk qəhvəsi isə təkcə sağlamlıq baxımından deyil, həm də mədəni və sosial baxımdan önəm daşıyır. İncə çəkilmiş qəhvə dənələrinin qaynadılması ilə hazırlanan bu içki, yaddaşı gücləndirir, maddələr mübadiləsinə dəstək olur və dostlarla paylaşımı təşviq edərək sosial bağları möhkəmləndirir.
Filtre qəhvə isə daha yüngül və mədə dostudur, antioksidan baxımından zəngindir və idman öncəsi performans artırıcı təsir göstərə bilər.
Süd əlavə edildikdə isə qəhvə həm dadca yumşalır, həm də kalsium, protein və D vitamini təmin edərək, bədən üçün əlavə fayda qazandırır.
Bununla belə, qəhvənin həddindən artıq istehlakı ciddi sağlamlıq risklərinə yol açır. Günlük 3-4 fincandan çox qəhvə içmək yuxusuzluq , mədə problemləri, yüksək təzyiq və əsəbilik kimi təsirlərə səbəb ola bilər. Həddindən artıq qəhvə həmçinin kalsium itkisinə gətirib çıxararaq sümük sağlamlığına mənfi təsir göstərə bilər.
Xüsusilə hamilə qadınlar, yüksək təzyiq və ürək xəstələri, mədə problemi olanlar və kafeinə həssas şəxslər üçün qəhvə istehlakı məhdudlaşdırılmalıdır.
Qeyd edək ki, mütəxəssislər, qəhvənin faydalarından maksimum yararlanmaq üçün gün ərzində 2-3 fincandan artıq içməməyi, axşam saatlarında qəhvədən uzaq durmağı və bol su içməyi tövsiyə edir.
Beləliklə, qəhvə həm zövq verən, həm də sağlamlığa faydalı bir içki olaraq gündəlik həyatımızda yer ala bilər.
Fatimə Məmmədova
00:40 15.02.2026
Oxunuş sayı: 745
