Nazirlik yeni şirkət yaratdı
İqtisadiyyat Nazirliyi yanında Dövlət Vergi Xidməti "Zireh" MMC-ni dövlət qeydiyyatına alıb.
Crossmedia.az xəbər verir ki, yeni şirkətin hüquqi ünvanı Müdafiə Sənayesi Nazirliyinə (MSN) məxsus "Bakı Cihazqayırma Zavodu" MMC ilə eyni - Bakı şəhəri, Sabunçu rayonu, 18 oktyabr küçəsi, 106, nizamnamə kapitalı 6 milyon manat, qanuni təmsilçisi isə Abas Nazir oğlu Quliyevdir.
O, həm də adı çəkilən zavodun direktorudur.
"Zireh"in Müşahidə Şurasının üzvləri də açıqlanıb. Bunlar MSN-nin Maliyyə və uçot şöbəsinin müdir müavini Səbinə Rafiq qızı Mustafayeva, nazirliyə məxsus “Azərsilah” Müdafiə Sənayesi Holdinqinin aş Direktorun müavini və Baş Maliyyə Direktoru Orxan Aydın oğlu Yusibov, eləcə də Fərahim Pərviz oğlu Hüseynzadədir.
12:18 04.12.2024
Oxunuş sayı: 27349
