Xarici xəbərlər

ABŞ əməliyyatı zamanı Venesuelanın Rusiya istehsalı HHM sistemləri işə düşməyib

Venesuela prezidenti Nikolas Maduronun ələ keçirilməsi ilə bağlı ABŞ-nin mümkün hərbi əməliyyatı zamanı Rusiya tərəfindən tədarük edilən hava hücumundan müdafiə sistemləri radarlara qoşulmayıb.

Crossmedia.az xəbər verir ki, bu barədə “The New York Times” ABŞ rəsmilərinə istinadən yazıb.

Məlumata görə, Venesuela 2009-cu ildə Rusiyadan Buk-M2 və S-300 hava hücumundan müdafiə sistemləri alıb. Lakin NYT mənbələri bildirir ki, bu sistemlərin düzgün istismarı və texniki xidməti təmin olunmayıb.

Qəzet Mərkəzi Kəşfiyyat İdarəsinin Venesuela üzrə keçmiş stansiya rəhbəri Riçard de la Torrenin sözlərini sitat gətirir. Onun fikrincə, illərlə davam edən korrupsiya, zəif logistika və sanksiyalar ölkənin HHM sistemlərinin döyüş hazırlığını ciddi şəkildə aşağı salıb.

Torre əlavə edib ki, Rusiyanın Ukraynadakı hərbi ehtiyacları Moskvanın Venesuelada bu sistemlərin fəaliyyətini lazımi səviyyədə saxlamaq imkanlarını da məhdudlaşdırıb.

Kübra Musayeva

🖨 Çap et

18:27 12.01.2026

Oxunuş sayı: 1448