Gənclər və İdman
Fernandezin son dəqiqə qolu "Çelsi"ni xilas etdi - İngiltərə Premyer Liqası
İngiltərə Premyer Liqasında 20-ci turun son oyunu "Mançester Siti" və "Çelsi" arasında keçirilib.
Crossmedia.az xəbər verir ki, Etihad Stadiumda keçirilən matç bərabərliklə nəticələnib. Hesab 1-ci hissənin sonlarında açılıb. Yarımmüdafiəçi Teyani Reynders topu rəqib qapısından keçirib. Şəhərlilər 2-ci hissəyə minimal hesablı üstünlüklə yollanıblar. Oyun sonuna əlavə edilən 4-cü dəqiqədə Enzo Fernandes "Çelsi"ni məğlubiyyətdən xilas edən qolu vurub. Hesab bərabərləşib. Beləliklə, "Mançester Siti " doğma meydanda "Çelsi" ilə 1:1 hesablı heç-heçə edib.
Qeyd edək ki, qonaq komanda bu matça əvəzedici baş məşqçi Kalum Makfarleyn ilə çıxmışdı.
Turnir cədvəlində "Mançester Siti" 42 xalla 2-ci pillədə qərarlaşıb. "Çelsi" isə 31 xalla 5-ci sıradadır.
Türkanə Muradlı
01:00 05.01.2026
Oxunuş sayı: 6448
