ABŞ Kiyevi əsas güzəştlərə razı salmağa çalışır
Strana nəşrinin məlumatına görə, ABŞ Ordu katibi Daniel Driskol bu həftə yenidən Kiyevə səfər edəcək.
Məlumata əsasən, səfərin əsas məqsədi Ukrayna rəhbərliyini Vaşinqtonun yenilənmiş sülh planında yer alan bir sıra mühüm güzəştlərə hazırlamaqdır.
Crossmedia.az Strana-a istinadən xəbər verir ki, sözügedən güzəştlərə Ukrayna Silahlı Qüvvələrinin Donbasdan çıxarılması, NATO-ya qoşulmaq planından imtina edilməsi və ordunun sayının məhdudlaşdırılması daxildir.
Mənbələr bildirir ki, ABŞ administrasiyası bu güzəştlərin mümkün sülh prosesi üçün zəruri olduğunu düşünür. Bununla yanaşı, Kiyevin hansı mövqe tutacağı hələlik məlum deyil və prosesin necə irəliləyəcəyi yaxın günlərdə aydınlaşacaq.
21:55 27.11.2025
Oxunuş sayı: 1136
