ABŞ ordusunun katibi: “Ukrayna döyüş meydanında uduzur”
ABŞ ordusunun katibi Den Driskol bildirib ki, Ukrayna qüvvələri döyüş meydanında Rusiya ordusuna qarşı çətin vəziyyətlə üzləşir və uzun müddət davam gətirə bilməyəcək.
Crossmedia.az NBC News-ə istinadən xəbər verir ki, Driskol Kiyevdə Ukrayna rəsmiləri ilə görüşdə rusların hava hücumlarının miqyasını artırdığını və zamanla vəziyyətin daha da pisləşəcəyini vurğulayıb. O, sonradan daha zəif vəziyyətdə qalmaq əvəzinə sülh yolu ilə danışıqlar aparmağın vacib olduğunu bildirib.
Driskolun mesajı ABŞ tərəfindən dəstəklənən sülh planının təqdimatından sonra gəlib. Nümayəndə heyəti həmçinin bildirib ki, Amerika müdafiə sənayesi Ukraynanı lazımi silah və hava hücumundan müdafiə sistemləri ilə təmin etməyə davam edə bilməyəcək.
19:48 27.11.2025
Oxunuş sayı: 1014
