Əl-Cəzirə: İran və İsrail arasında müharibə ehtimalı artır
“Əl-Cəzirə” telekanalının məlumatına görə, son həftələrdə İran və İsrail arasındakı gərginlik yeni mərhələyə keçə bilər. Münaqişənin ilk raundundan sonra bölgədəki siyasi, təhlükəsizlik və hərbi hərəkətlər vəziyyəti daha da gərginləşdirib.
Crossmedia.az xarici KİV-ə istinadən xəbər verir ki, analitiklər enerji bazarlarında da narahatlıqların artdığını bildirirlər. Son həftələrdə neftin qiyməti 5–10 dollar yüksəlib və Fars körfəzi regionunda neft ötürücü xətlərə yönələn hər hansı təhdid qiymətlərin daha da artmasına səbəb ola bilər.
Bildirilib ki, İsrailin ABŞ-dən aldığı yüksək dəyərli silahlar, xüsusilə bunker məhv edən bombalar, genişmiqyaslı hərbi əməliyyatlar üçün nəzərdə tutulub. Habelə, ABŞ və İsrailin Livan və İraqda basqıları artırdığı qeyd edilir.
19:21 27.11.2025
Oxunuş sayı: 1172
