Ermənistanda yepiskoplardan II Qareginə sərt bəyanat
Ermənistanın yüksək rütbəli yepiskopları katolikos II Qareginə qarşı yeni və sərt bəyanat yayıblar. Bəyanata əsas səbəb Arşak Xaçatryanın (Ermənistan Apostol Kilsəsinin arxiyepiskopu və Eçmiədzin Aparatının yüksək vəzifəli rəsmisi) iştirakı ilə çəkilmiş və ekspertiza tərəfindən həqiqiliyi təsdiqlənmiş videomaterialların yayılmasıdır. Həmin videolarda Arşak Xaçatryanın kilsə rütbəsinə yaraşmayan, təhqiramiz, intim xarakterli davranışlar sərgilədiyi iddia olunur. Məhz bu görüntülər kilsə daxilində böyük narazılıq yaradıb.
Crossmedia.az xəbər verir ki, məlumatı erməni KİV-i yayıb.
Bəyanatda qeyd edilir ki, Ktriş Nersisyan (II Qaregin) bu videoların yayılmasından sonra Arşak Xaçatryanın təhqiramiz hərəkətlərini gizlətməyə və kilsə ictimaiyyətindən ört-basdır etməyə cəhd göstərməkdə günahlandırılır. Yepiskoplar bildirirlər ki, II Qaregin katolikos seçilərkən verdiyi andın şərtlərinə əməl etməyib, kilsə intizamını və mənəvi dəyərləri qorumaq öhdəliyinə sadiq qalmayıb.
Bu səbəbdən yepiskoplar imanlılara və kilsə üzvlərinə müraciət edərək, Birinci Taxt — Müqəddəs Etchmiadzin’in “təhqiramiz davranışlı ruhani şəxslərdən və onların himayəçilərindən” təmizlənməsinə çağırıblar. Sonda onlar II Qareginin tutduğu mövqeni və atdığı addımları kəskin şəkildə pisləyiblər.
15:20 27.11.2025
Oxunuş sayı: 1159
