Honkonqda yaşayış kompleksində güclü yanğın: Ölənlərin sayı 12-yə çatdı
Honkonqda “Van Fuk Kort” yaşayış kompleksində baş verən güclü yanğında həlak olanların sayı 12 nəfərə yüksəlib.16 nəfər müxtəlif dərəcəli xəsarətlə xəstəxanaya çatdırılıb. Ölənlər arasında bir yanğınsöndürən də var.
Crossmedia.az xəbər verir ki, hadisə Honkonqun Yeni Ərazilər adlanan Tay Po bölgəsində yerləşən səkkiz binadan ibarət kompleksdə baş verib. Kompleksdə təxminən 2 min mənzil mövcuddur. Hakimiyyət bildirib ki, sakinlərin əksəriyyəti vaxtında təxliyə olunub.
Alovlar kosmetik təmir üçün binaların ətrafında qurulmuş bambuk iskelelərə yayılıb. Yanğınsöndürənlər alovları söndürmək üçün su şırnaqlarından istifadə edirlər.
Tay Po rayon rəhbərliyi sakinlər üçün müvəqqəti sığınacaqlar yaradıb, təxliyə olunanlara su və qida verilib.
Hadisəyə ən yüksək — 5-ci səviyyə təyin edilib. Honkonqda bu səviyyəli yanğın son olaraq 2008-ci ildə qeydə alınmışdı.
Nastya Qəniyeva
17:07
Honq-Konqun Tai Po rayonunun şimal hissəsində yerləşən çoxmərtəbəli yaşayış kompleksində baş verən güclü yanğın faciə ilə nəticələnib.
Crossmedia.az xarici mediaya istinadən xəbər verir ki, hadisə zamanı 4 nəfər həyatını itirib, 13 nəfərin o cümlədən iki azyaşlı uşağın taleyi hələ də məlum deyil.
Hadisə nəticəsində 9 nəfər xəstəxanaya yerləşdirilib, onlardan üçünün vəziyyəti kritik olaraq qiymətləndirilir. Yerli hakimiyyət yanğına ən yüksək təhlükə səviyyəsi verib.
İlkin məlumata əsasən, yanğın ərazidə yerləşən karaoke-barında başlayan alovun qısa müddətdə yaşayış kompleksinin binaları ətrafında təmir işləri üçün qurulan bambuk konstruksiyalara yayılması nəticəsində genişlənib.
Yanğınsöndürənlər 31 mərtəbəli binaları əhatə edən alova nəzarət etməkdə ciddi çətinliklərlə üzləşiblər. Hadisə baş verən yaşayış kompleksi ümumilikdə 8 korpusdan ibarətdir.
Hadisə ilə bağlı araşdırma davam edir.
Fidan
19:10 26.11.2025
Oxunuş sayı: 1266
