Tramp marşrutu: Türkiyə şirkəti layihəyə qoşula bilər
Ermənistan hökumətində “Tramp marşrutu” layihəsi ətrafında müzakirələr qızışır. Layihəyə Türkiyə şirkətinin cəlb olunması ehtimalı gündəmə gəlib və bu məsələ cəmiyyətdə böyük maraq doğurub. Ermənistan XİN rəhbərliyindən verilən açıqlama isə prosesin hələ də aktiv məsləhətləşmələr mərhələsində olduğunu göstərir. İki ölkə şirkətlərinin mümkün əməkdaşlığı regionda yeni gərginliklərə və ya yeni imkanlara yol aça bilər.
Crossmedia.az erməni KİV-nə istinadən xəbər verir ki, Safaryan jurnalistlərin “Ermənistan türk şirkətinin cəlb edilməsini istisna edir?” sualına cavab olaraq bildirib ki, bu məsələ layihədə iştirak edən tərəflər arasında müzakirə olunmalıdır.
“Bütün tərəflərin öz yanaşmaları var. Hər şey məsləhətləşmələr çərçivəsində həll ediləcək,” – deyə o qeyd edib.
Nazir müavininin sözlərinə görə, qərarlar və şirkət seçimi ilk növbədə tərəflərin maraqlarına uyğun olmalıdır. O həmçinin layihə çərçivəsində ilk olaraq erməni-amerikan şirkətinin yaradılmasının vacibliyini vurğulayıb.
Safaryan hazırda bu məsələ ilə bağlı aktiv müzakirələrin aparıldığını bildirib.
Zeynəb Xuduyeva
16:57 26.11.2025
Oxunuş sayı: 732
