Ermənistanın KTMT-dən çıxması gündəmdə deyil
Ermənistanın Kollektiv Təhlükəsizlik Müqaviləsi Təşkilatından çıxması məsələsi hazırda müzakirə olunmur. Bu barədə ölkənin xarici işlər nazirinin müavini Mnaçakan Safaryan açıqlama verib.
Crossmedia.az xarici mediaya istinadən xəbər verir ki, Safaryan rəsmi İrəvanın KTMT-yə dair mövqeyinin əvvəldən bəlli olduğunu bildirir: Ermənistan təşkilatın fəaliyyətində iştirak etmir, lakin sənədlərin və qərarların qəbuluna da mane olmur. Onun sözlərinə görə, İrəvanın bu addımı tam olaraq ölkənin mövcud siyasi kursunun tərkib hissəsidir.
Nazir müavini həmçinin Ermənistanın niyə təşkilatdan rəsmi şəkildə çıxmadığına aydınlıq gətirib. O qeyd edib ki, hazırkı mərhələdə ölkə rəhbərliyi məhz bu xətti davam etdirməyi məqsədəuyğun hesab edir.
"Ermənistan öz milli maraqları və regionda formalaşan vəziyyəti nəzərə alaraq xarici siyasətini müəyyənləşdirir", — deyə Safaryan vurğulayıb.
Nigar Yahyazadə
16:50 26.11.2025
Oxunuş sayı: 803
