Ravvin Koalisiyasının nümayəndə heyəti Azərbaycandan məmnun ayrılıb
Ravvin Stüart Vaynblattın rəhbərlik etdiyi Ravvin Koalisiyasının nümayəndə heyəti Azərbaycana səfər edib. Səfərin məqsədi yəhudi birliyini gücləndirmək və İsrail, qlobal yəhudi icmaları ilə Azərbaycan arasında əlaqələri inkişaf etdirmək olub.
Crossmedia.az bu barədə xarici KİV-ə istinadən xəbər verir. Məlumata görə, heyət Bakı sinaqoqlarını, yəhudi məktəblərini və mədəniyyət mərkəzlərini ziyarət edib, həmçinin Krasnaya Slobodanı gəzib. Xüsusi təəssürat Dağ Yəhudiləri Muzeyi və iki ölkə arasındakı mədəni əlaqələr olub.
Vaynblatt bildirib ki, nümayəndə heyəti Bakının təmizliyindən, təhlükəsizliyindən və yəhudi icmasına hörmətlə yanaşmasından təsirlənib və ölkədən dərin hörmət və minnətdarlıq hissi ilə ayrılır.
Nəzrin Abbas
12:17 26.11.2025
Oxunuş sayı: 838
