Hadisə

İmişlidə gənclər üçün vətənpərvərlik tədbiri keçirilib

Səfərbərlik və Hərbi Xidmətə Çağırış üzrə Dövlət Xidmətinin təşkilatçılığı ilə İmişlidə “Vətənpərvər Azərbaycan gəncliyi – Sağlam gənclik, sağlam gələcək” mövzusunda tədbir keçirilib.

Crossmedia.az-a daxil olan məlumata görə, Görüş Heydər Əliyev Mərkəzində baş tutub və İmişli Rayon İcra Hakimiyyətinin dəstəyi ilə təşkil olunub.

Tədbirdə çıxış edən SHXÇDX rəsmiləri gənclərin fiziki və psixoloji hazırlığının, vətənpərvərlik hissinin artırılması istiqamətində görülən işlər barədə məlumat veriblər. Ali məktəbə hazırlaşan gənclərə təhsil, möhlət və xidmətlərin rəqəmsallaşması ilə bağlı tövsiyələr təqdim olunub.

Vətən Müharibəsi iştirakçıları və şəhid ailələri də çıxış edərək öz təəssüratlarını bölüşüblər. Analoji tədbirlərin ölkənin digər rayonlarında da davam etdirilməsi planlaşdırılır.

🖨 Çap et

10:25 26.11.2025

Oxunuş sayı: 977