Rusiya ABŞ-dan Ukrayna planının yeni sənədini gözləyir
Ukrayna üzrə potensial sülh razılaşmasının müzakirələri ətrafında diplomatik gərginlik davam edir. Rusiya ABŞ-dan Avropa və Kiyevlə razılaşdırılmış planın ara versiyasını gözlədiyini açıqlayıb. Rusiya XİN rəhbəri Sergey Lavrovun sözlərinə görə, Donald Tramp administrasiyasının hazırladığı sənəd hələ rəsmi şəkildə təqdim olunmasa da, Moskva onun məzmunu ilə qeyri-rəsmi kanallar vasitəsilə tanış olub
Crossmedia.az rus mediasına istinadən xəbər verir ki, Rusiya ABŞ-dan Ukrayna ilə bağlı Avropa və Kiyev tərəfindən razılaşdırılmış plana dair ara variant gözləyir. Bu barədə Rusiyanın xarici işlər naziri Sergey Lavrov rus mediasına bildirib.
“Biz onlardan (ABŞ-dan) bu mətnin avropalılar və ukraynalılarla razılaşdırılması mərhələlərinin tamamlanması baxımından ara versiya hesab etdikləri variantı gözləyirik,” – Lavrov deyib.
Onun sözlərinə görə, ABŞ administrasiyası Donald Trampın rəsmi planını Rusiya tərəfinə təqdim etməyib, sənəd qeyri-rəsmi kanallar vasitəsilə əldə olunub.
Lavrov həmçinin qeyd edib ki, Trampın planında yer alan bir sıra ifadələr dəqiqləşdirilməyə ehtiyac duyur.
Zeynəb Xuduyeva
18:40 25.11.2025
Oxunuş sayı: 1485
