Qrossi: AEBA İranla tam əməkdaşlığı bərpa etmək istəyir
Bu gün Atom Enerjisi Beynəlxalq Agentliyinin (AEBA) baş direktoru Rafael Qrossi bildirib ki, qurum İranla “tam əməkdaşlığı” bərpa etməyə hazırdır və Tehranın yoxlama fəaliyyətlərinin yenidən başlamasına icazə verəcəyinə ümid edir.
Bu barədə Crossmedia.az xarici mediaya istinadən xəbər verir.
O, Manilada çıxışı zamanı agentliyin İran ərazisində yoxlamaları dərhal bərpa etməyə hazır olduğunu vurğulayıb.
Qrossinin bu açıqlaması AEBA-nin İdarə Heyətinin ötən həftə qəbul etdiyi qətnamədən sonra irəli sürülüb. Qətnamədə İranın zənginləşdirilmiş uran ehtiyatları və son hücumlarda zədələnmiş nüvə obyektləri barədə agentliyi “gecikmədən” məlumatlandırması tələb edilib.
Bundan əvvəl İranın xarici işlər naziri Abbas Əraqçı 10 sentyabrda imzalanmış “Qahirə Sazişi”nin “ABŞ və Avropanın mövqeyinə görə” faktiki olaraq qüvvədən düşdüyünü açıqlayıb.
18:07 25.11.2025
Oxunuş sayı: 1034
