İran Britaniyaya qarşı "Şotlandiya kartı"-dan istifadə edir
Britaniyanın müdafiə nəşri olan UK Defence Journal “X” hesabında özlərini Şotlandiya müstəqillik hərəkatı tərəfdarı kimi göstərən bir sıra hesabların əslində İran daxilindən idarə olunduğunu açıqlayıb.
Crossmedia.az xarici mediaya istinadən xəbər verir ki, jurnalın araşdırmasına görə, aylardır izlənilən bu hesablar Şotlandiya ilə bağlı şəkillər, yerli ifadələr və simvollar paylaşaraq “yerli fəal” təəssüratı yaratmağa çalışıb. Ancaq onların əsas məqsədinin İran hökumətinin təbliğatını yaymaq olduğu müəyyən edilib.
Məlumata əsasən, həmin hesablardan bəziləri 12 günlük müharibə zamanı Tehrana dəstək paylaşımları edib. Ən diqqətçəkən məqam isə odur ki, İran hökuməti ölkədaxili interneti bağlayan kimi bu hesablar da eyni anda susub — bu da onların koordinasiyalı idarə olunduğunu göstərir.
17:50 25.11.2025
Oxunuş sayı: 978
