Ukrayna dron hücumu ilə Novorossiysk limanında hərbi və logistika obyektlərinə zərbə endirdi
Çərşənbə axşamına keçən gecə Ukrayna Təhlükəsizlik Xidmətinin “Alfa” xüsusi əməliyyat qüvvələri Ukraynanın müdafiə qüvvələri ilə birlikdə uzaqmənzilli dronlardan istifadə edərək Novorossiysk limanının hərbi və logistika obyektlərinə hücum həyata keçirib.
Crossmedia.az xəbər verir ki, zərbə nəticəsində neft terminalının infrastrukturu, S-300 və S-400 hava hücumundan müdafiə mövqeləri, həmçinin ilkin məlumata əsasən, körpüdə dayanan 1171 layihəli böyük desant gəmisinə ciddi ziyan dəyib.
Hadisənin dəqiq nəticələri hələlik açıqlanmayıb, yerli və beynəlxalq mənbələr hücumla bağlı məlumatları təsdiqləməyə davam edir.
Nastya Qəniyeva
17:12 25.11.2025
Oxunuş sayı: 1021
