Rubenyan: Bütöv xalqı təhqir etmək olmaz
Ermənistan parlamentinin vitse-spikeri Ruben Rubenyan eks-prezident Robert Koçaryanın tərəfdarı, jurnalist Aza Babayanın Baş nazir Nikol Paşinyanı “çılpaq kral” adlandırmasına münasibət bildirib.
Bu barədə Crossmedia.az xəbər verir ki, Rubenyan bununla bağlı fikirlərini Facebook səhifəsindəki paylaşımında bildirib.
Aza Babayan sosial şəbəkədəki paylaşımında “Vətəndaş Müqaviləsi” partiyasının nümayəndələrini və tərəfdarlarını tənqid edərək onların “uşaqlıqda nağıllar oxumadığını” yazmışdı. O, həmçinin xalqı “özünü axmaq vəziyyətinə qoymaqda” ittiham etmişdi.
Rubenyan isə bunun cavabında kəskin tənqidi fikirlər səsləndirib:
“Bəli, əziz xalq, görünür, biz hamımız savadsızıq. Bütün xalq savadsızdır — yalnız siz, sizin Koçaryanınız, Sarqsyan və rusiyalı biznesmen (həbsdə olan oliqarx Samvel Karapetyanı nəzərdə tutur) savadlısınız. O qədər ‘savadlısınız’ ki, bütöv bir xalqa təhqir yağdırmağın olmaz olduğunu belə anlamırsınız.”
Vitse-spiker əlavə edib ki, “Erməni jurnalistikasının faciəvi tənəzzülü davam edir”.
Mehriban İbrahimli
16:07 25.11.2025
Oxunuş sayı: 1036
