Finlandiya Rusiya sərhədində yeni maneələr tikir
Finlandiya hakimiyyəti Rusiya-Finlandiya sərhədindən bir metr aralıda yeni müdafiə maneələri inşa edir.
Crossmedia.az Yle-yə istinadən xəbər verir ki, qurulan konstruksiyada hər bir neçə on metrdən bir kameralar quraşdırılacaq və bunlar şərq sərhədində fasiləsiz nəzarəti təmin edəcək.
Laplandiya bölgəsində aparılan işlər isə demək olar ki, tamamlanıb. Tikintinin qəbulu 9 dekabr tarixində həyata keçiriləcək. Ümumi hasarın 2026-cı ilin yayına qədər istifadəyə verilməsi planlaşdırılır.
Finlandiya–Rusiya sərhədi 1,3 min kilometrdən çoxdur. Yle bildirib ki, yüksək maliyyə xərcləri səbəbindən – bir kilometrə təxminən 1,8 milyon avro düşdüyündən – Finlandiya maneələri bütün sərhəd boyunca tikə bilməyəcək. Layihənin ümumi uzunluğunun 200 kilometri keçəcəyi, dəyərinin isə 362 milyon avro təşkil edəcəyi gözlənilir.
Sevinc Yarməmmədova
15:00 25.11.2025
Oxunuş sayı: 1313
