ABŞ, Ukrayna və Rusiya Əbu-Dabidə gizli danışıqlara başlayıb
ABŞ, Ukrayna və Rusiya Rusiya - Ukrayna münaqişəsinin mümkün həlli ilə bağlı Əbu-Dabidə qapalı formatda görüşlər keçirir. Məlumata əsasən, ABŞ-ın quru qoşunları naziri Den Driskoll bazar ertəsi Əbu-Dabiyə gələrək prosesə qoşulub.
Crossmedia.az Reuters-in məlumatına istinadən xəbər verir ki, görüşlərdə Ukraynanı ölkənin hərbi kəşfiyyat rəhbəri Kirill Budanov təmsil edir. Rusiya nümayəndə heyətinin tərkibi isə rəsmi olaraq açıqlanmır.
Danışıqlar bazar ertəsi axşam saatlarında başlayıb və bu gün də davam etdirilir.
Bundan əvvəl ABŞ quru qoşunları naziri Daniel Driskollun Rusiyaya səfər edə biləcəyi ilə bağlı məlumat yayılmışdı.
Sevinc Yarməmmədova
12:23 25.11.2025
Oxunuş sayı: 1107