Astanada azərbaycanlı heykəltaraşın yubiley sərgisi keçirilib
Qazaxıstanın Almatı şəhərində yaşayan azərbaycanlı heykəltaraş Vaqif Rəhmanın 85 illik yubileyi münasibətilə sərgi keçirilib.
Crossmedia.az xəbər verir ki, həmin ölkənin paytaxtı Astanada “Has Sanat” İncəsənət Qalereyasında təşkil edilən sərgi “Əbədi sevgi” adlanıb. Burada heykəltaraşın bir-birindən maraqlı əsərləri nümayiş olunub. Ekspozisiyada yer alan bürünc və şüşədən hazırlanan heykəllər ziyarətçilərin rəğbətini qazanıb.
Sərginin açılış mərasimində Astanada fəaliyyət göstərən Azərbaycan diasporunun üzvləri fəal iştirak ediblər.
Qeyd edək ki Vaqif Rəhman Qazaxıstanda bürünc və şüşə ilə sənət əsərləri yaradan istedadlı heykəltaraş kimi tanınıb.
19:55 24.11.2025
Oxunuş sayı: 1736
