Xarici xəbərlər

Xamenei: ABŞ İranın qeyd-şərtsiz təslim olmasını istəyir

İranın ali rəhbəri Müctəba Xamenei ABŞ-ni ölkəsini qeyd-şərtsiz təslim olmağa məcbur etməyə çalışmaqda ittiham edib.

Crossmedia.az xəbər verir ki, Müctəba Xameneiyə aid edilən açıqlamada İranın ABŞ-nin təzyiqləri qarşısında geri çəkilməməsinin vacibliyi vurğulanıb.

“Böyük şeytanın istəyi İran xalqının qeyd-şərtsiz təslim olmasıdır”, – deyə açıqlamada bildirilib.

Xamenei qeyd edib ki, ABŞ qarşısında ən kiçik güzəşt belə İran xalqının və həlak olanların fədakarlığı hesabına əldə edilmiş nailiyyətləri təhlükə altına qoya bilər.

Onun sözlərinə görə, təslimiyyətə doğru atılan istənilən addım qarşı tərəfi daha böyük tələblər irəli sürməyə, yeni müharibələrə və hərbi hücumlara sövq edə bilər.

İranın ali rəhbəri ölkəsinin suverenliyinin və milli maraqlarının qorunmasının vacibliyini vurğulayıb.

Qeyd edək ki, Xamenei daha əvvəl də İranın ABŞ və İsrail qarşısında geri çəkilməyəcəyini bəyan edib.

Mövzular:

Müctəba Xamenei İran ABŞ Vaşinqton Tehran qeyd-şərtsiz təslimiyyət siyasi təzyiq

🖨 Çap et

14:50 04.11.2026

Oxunuş sayı: 57