Azərbaycan komandası Avropanın ən böyük hakatonunda uğur qazanıb
Finlandiyanın paytaxtı Helsinkidə Avropanın ən böyük və ən nüfuzlu hakatonlarından biri olan “Junction” çərçivəsində “Utopia & Dystopia” adlı yarış keçirilib.
Crossmedia.az xəbər verir ki, builki yarışda dünyanın müxtəlif ölkələrindən 1500-dən çox iştirakçı və 291 komanda innovativ həllər təqdim edərək qalibiyyət uğrunda mübarizə aparıb.
Yarışda Azərbaycanı təmsil edən “A4TB” (All For The Best - Hər şey yaxşılığadır) komandası yüksək nəticə göstərərək 4-cü yeri tutub. “A4TB” komandasının üzvləri — Niyyət Rzayev, Mehriban Kərimova, Arif Babayev və Həsən Abbasov yarış müddətində təqdim etdikləri layihə ilə həm münsiflərdə, həm də iştirakçılarda böyük maraq oyadıblar.
Bu nailiyyət komandanın texnoloji hazırlığının, yaradıcı düşüncəsinin və ölkəmizin innovasiya potensialının bariz göstəricisi kimi dəyərləndirilib.
16:33 24.11.2025
Oxunuş sayı: 1321
