Yasamalda yanğının baş verdiyi yaşayış binasının qarşısında xüsusi qərargah yaradılıb
Bakı şəhəri, Yasamal rayonu, Mirəli Seyidov küçəsində yanğının baş verdiyi çoxmərtəbəli yaşayış binasının qarşısında FHN tərəfindən xüsusi qərargah yaradılıb.
Crossmedia.az xəbər verir ki, bu barədə "Report"un hadisə yerindəki əməkdaşı xəbər verir.
Sakinlər qərargahın əməkdaşları tərəfindən qeydiyyata alınır. Bundan sonra sakinlərin bir qisminə mənzillərindən zəruri əşyaları götürmələrinə icazə verilir. Sakinlər mənzillərə daxil olaraq zəruri əşyalarını götürür, sonra evlərini müvəqqəti tərk edirlər.
Qeyd edək ki, yanğın nəticəsində üç nəfər ölüb. Təcili tibbi yardım briqadası tərəfindən 15 nəfərə ilkin tibbi xidmət göstərilib və tüstüdən zəhərlənmə diaqnozu ilə Kliniki Tibbi Mərkəzə hospitalizasiya olunub.
Ümumilikdə 20 nəfər Kliniki Tibbi Mərkəzə hospitalizasiya olunub, onlara zəruri tibbi xidmətlərin göstərilməsi davam etdirilir.
Yanğınla əlaqədər Baş Prokurorluğun Kriminalistika və informasiya texnologiyaları idarəsinin əməkdaşları tərəfindən aidiyyəti dövlət qurumları, o cümlədən Fövqəladə Hallar Nazirliyinin əməkdaşları ilə birgə hadisə yeri müayinə olunur və digər zəruri prosessual hərəkətlər icra edilir. Faktla bağlı Baş Prokurorluqda Cinayət Məcəlləsinin müvafiq maddəsi ilə cinayət işi başlanaraq ibtidai istintaq aparılır.
23:23 21.11.2025
Oxunuş sayı: 1248
