Texasda Azərbaycanın şanlı Zəfərinin 5 illiyi qeyd olunub
ABŞ-nin Texas ştatının Dallas şəhərində Azərbaycanın Vətən müharibəsində qazandığı şanlı Zəfərinin 5 illiyi münasibətilə tədbir keçirilib. Tədbir Texasdakı Azərbaycan icmasının təşkilatçılığı ilə baş tutub.
Crossmedia.az xəbər verir ki, soydaşlarımız çıxış edərək Prezident, Müzəffər Ali Baş Komandan İlham Əliyevin rəhbərliyi altında rəşadətli Ordumuzun 44 gün davam edən Vətən müharibəsində göstərdiyi qəhrəmanlıq və əldə etdiyi parlaq qələbə barədə ətraflı məlumat veriblər. 2020-ci il noyabrın 8-də qazanılan bu tarixi Zəfərin Azərbaycan xalqının milli iradəsinin, vətən sevgisinin və sarsılmaz birliyinin təntənəsi olduğunu söyləyiblər.
Türk Amerikan Dərnəkləri Federasiyasının rəhbəri Ben Alev Viland bu əlamətdar gün münasibətilə Azərbaycan xalqına təbriklərini və xoş arzularını çatdırıb.
01:32 19.11.2025
Oxunuş sayı: 1388
