Ağdərədə minaya düşən şəxsin ayağı amputasiya olunub – YENİLƏNİB
Ağdərədə minaya düşən Əliyev Natiq Namiq oğlunun sol aşağı ətrafın baldırın yuxarı 1/3-dən amputasiya olunub.
Crossmedia.az-ın məlumatına görə, xəstəxananın travmatoloqu Hafiz Əliyev bildirib ki, 16 noyabr 2025-ci ildə saat 13:20 radələrində Ağdərə rayon Sırxavənd kəndi ərazisində minaya düşmə səbəbilə xəsarət alan 1990-cı il təvəllüdlü Natiq Əliyev) Bərdə Rayon Mərkəzi Xəstəxanasına təxliyə olunub.
Hazırda onun reanimasiya şöbəsində müalicəsi davam etdirilir, vəziyyəti ağırdır. (Report)
15:55
Azərbaycan Respublikası Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) mətbuat xidmətlərinin məlumatına görə, işğaldan azad edilmiş Ağdərə rayonunun Sırxavənd kəndi ərazisində 2025-ci il 16 noyabr tarixində mina hadisəsi baş verib.
Crossmedia.az xəbər verir ki, 1990-cı il təvəllüdlü Bərdə kənd sakini Əliyev Natiq Namiq oğlu minalardan təmizlənməmiş ərazidə piyada əleyhinə mina partlayışı nəticəsində ayağından xəsarət alıb.
Faktla bağlı Ağdərə rayon prokurorluğunda araşdırma aparılır.
ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırır.
14:43
Ağdərə rayonunda mina partlayışı baş verib.
Crossmedia.az-ın əldə etdiyi ilkin məlumata görə, Bərdə rayonunun Kələntərli kənd sakini Əliyev Natiq Namiq oğlu Ağdərənin Sırxavənd kəndində minaya düşüb.
Yaralı Bərdə Şəhər Mərkəzi Xəstəxanasının Diaqnostika şöbəsinə yetişdirilib və əməliyyat olunub.
Faktla bağlı araşdırma aparılır.
17:00 16.11.2025
Oxunuş sayı: 1646
