Macarıstan Ukraynaya ayrılan vəsaiti Livana yönləndirəcək
Macarıstan 1,5 milyon avroluq vəsaitini Ukraynaya deyil, Livana ayırmaq qərarına gəlib. Bu barədə ölkənin xarici işlər naziri Peter Siyarto açıqlama verib.
Crossmedia.az xəbər verir ki, nazir bildirib ki, Livanın sabitliyi Yaxın Şərqdə sülhün qorunması üçün açar rolunu oynayır və bu, Macarıstanın milli təhlükəsizlik maraqlarına uyğundur.
“Yusif Raciəyə dedim ki, Macarıstanın milli təhlükəsizlik maraqları üçün Yaxın Şərqdə sülh əsasdır və Livanın sabitliyi bunun açarıdır. Biz Avropa Sülh Fondundakı payımızdan Ukraynanı silahlandırmaq üçün istifadə etməyəcəyik. Bunun əvəzinə 1,5 milyon avronu Livan Silahlı Qüvvələrinə dəstək üçün yönləndirəcəyik”, – Siyarto qeyd edib.
Nazirin sözlərinə görə, bu addım regionda gərginliyin azaldılmasına töhfə verməyi hədəfləyir.
12:14 16.11.2025
Oxunuş sayı: 1580
