Jitomirdə Zəfər Günü ilə bağlı məlumatlandırıcı kampaniya keçirilib
Ukraynanın Jitomir şəhərində Azərbaycanın 44 günlük Vətən müharibəsində qazandığı şanlı Qələbə münasibətilə bilbordlar quraşdırılıb.
Crossmedia.az xəbər verir ki, Ukrayna Azərbaycanlıları Həmrəylik Konqresinin təşəbbüsü və təşkilatçılığı ilə keçirilən aksiyada nümayiş etdirilən bilbordların üzərində “Azərbaycanın Qələbə Günü” şüarı yazılıb, Zəfərimizin rəmzi “Xarıbülbül” əks olunub.
Bilbordlar Jitomirin əsas “Qələbə” küçəsində, eləcə də şəhərin digər ərazilərində, o cümlədən “Korolova” meydanında, Jitomir Şəhər Şurası və Regional Dövlət Administrasiyasının binalarının yaxınlığında yerləşdirilib.
Jitomir sakinləri və şəhər qonaqları üçün hazırlanan bu vizual mesajlar regionda sülhə, ədalətə və birgə mübarizə ruhuna çağırış kimi dəyərləndirilib.
14:32 13.11.2025
Oxunuş sayı: 1051
