Avstraliyada SEPAH-ın terror təşkilatı kimi tanınması üçün qanun layihəsi təqdim edilib -Təcili
Bu gün Avstraliyanın Baş prokuroru Mişel Rouland parlamentin Nümayəndələr Palatasına SEPAH-ın terror təşkilatı kimi tanınmasına icazə verən qanun layihəsini təqdim edib.
Crossmedia.az xəbər verir ki, qanun layihəsi Avstraliya Təhlükəsizlik və Kəşfiyyat Xidmətinin SEPAH-ın ölkə ərazisində ən azı iki antisemit hücumda iştirak etdiyini göstərən sübutlara cavab olaraq hazırlanıb.
Yeni qanun layihəsinə əsasən, hökumət xarici dövlət qurumlarını da rəsmi olaraq terror təşkilatları siyahısına daxil edə biləcək. Bu isə əvvəllər mövcud hüquqi çərçivə daxilində mümkün deyildi.
“Terrorçuluğa sponsorluq edən dövlətlərin fəaliyyətləri Avstraliya üçün xüsusi təhlükəsizlik riskləri və xarici siyasət baxımından mühüm narahatlıqlar yaradır. Bu səbəbdən belə halların qarşısını almaq üçün güclü hüquqi mexanizmlərə ehtiyac var”, - deyə, Rouland qeyd edib.
11:50 08.10.2025
Oxunuş sayı: 6237
