İran və Ermənistan arasında ticarət əlaqələri artmaqdadır
Dünən Təbriz Ticarət Palatasının Ermənistan Departamentinin rəhbəri Əlirza Nəzif bildirib ki, bu ilin ilk altı ayında İranın Ermənistana ixracı ötən ilin eyni dövrü ilə müqayisədə çəki baxımından 29 faiz, tonnaj baxımından isə 72 faiz artıb.
Crossmedia.az xəbər verir ki, bu barədə Araz Azad İqtisadi Zonasında keçirilən “Ermənistan Ticarət Masası” toplantısında məlumat verilib.
O, regional ticarətin davamlı inkişafı üçün İranın Ermənistanla Nurduz sərhəd terminalının və Şimal-Cənub Beynəlxalq Nəqliyyat Dəhlizinin işə düşməsi kimi birgə infrastruktur layihələrinin sürətləndirilməsinin vacibliyini vurğulayıb.
Təbriz Ticarət Palatasının təşəbbüsü ilə təşkil olunan işgüzar masalar çərçivəsində Rusiya, Türkiyə, Azərbaycan, Qazaxıstan, Çin, Hindistan və Gürcüstan üzrə həftəlik toplantıların keçirilməsinin nəzərdə tutulduğu açıqlanıb.
11:48 08.10.2025
Oxunuş sayı: 8331
