Diaspor

Diaspor rəhbəri Fəxri Fərmanla təltif edilib

Qırğızıstanın paytaxtı Bişkek şəhərində Qırğız dili Günü münasibətilə dövlət dilinin dəstəklənməsi və inkişafına həsr olunan tədbir keçirilib.

Bu barədə Crossmedia.az-a Diasporla İş üzrə Dövlət Komitəsindən məlumat verilib.

Bildirilib ki, tədbirdə Qırğız Respublikasının Prezidentinin yanında Dövlət dili və dil siyasəti üzrə Milli Komissiyanın sədri Melis Murataliev Qırğız Respublikası Azərbaycanlıları “Birlik” İctimai Birliyinin sədri Xansıvar Baxşəliyevi Qırğız dilinin inkişafı və təbliğinə verdiyi mühüm töhfəyə görə Fəxri Fərmanla təltif edib.

Vurğulanıb ki, bu mükafat ölkədə yaşayan Azərbaycan icmasının dövlət dilinə hörmət və ehtiramın, onun qorunması və genişlənməsi istiqamətində göstərdiyi səylərin yüksək qiymətləndirilməsi kimi dəyərləndirilib.