Çin, İran, Pakistan və Rusiya Əfqanıstan üzrə dördtərəfli görüş keçirib
Dünən BMT Baş Assambleyasının sammiti çərçivəsində Çin, İran, Pakistan və Rusiya xarici işlər nazirləri Əfqanıstanla bağlı dördtərəfli görüş keçiriblər. Görüşün yekununda tərəflər birgə bəyanatla çıxış edərək Əfqanıstanla bağlı mövqelərini ortaya qoyublar.
Crossmedia.az-ın məlumatına görə, bəyanatda qeyd olunub ki, dörd ölkə Əfqanıstanı müstəqil, vahid və sabit, eyni zamanda terrorçuluq, müharibə və narkotik qaçaqmalçılığından azad bir dövlət kimi dəstəklədiklərini bir daha vurğulayıblar.
Tərəflər Əfqanıstan hakimiyyətindən ölkə ərazisində fəaliyyət göstərən terrorçu qrupların təlim düşərgələrinin və onlarla əlaqəli digər infrastrukturun tam şəkildə dağıdılmasını istəyiblər.
13:12 26.09.2025
Oxunuş sayı: 3012
