İran G7 bəyanatına sərt reaksiya verdi
İran Xarici İşlər Nazirliyi Böyük Yeddilik (G7) və tərəfdaşlarının son bəyanatına cavab olaraq Tehrana qarşı irəli sürülən ittihamları “əsassız və məsuliyyətsiz” adlandırıb.
Crossmedia.az xarici KİV-ə istinadən xəbər verir.
Nazirliyin açıqlamasında Qərb ölkələri “faktları təhrif etməkdə və bölgədə sabitliyin pozulmasında rolunu gizlətməyə çalışmaqda” ittiham olunur. Tehran bildirir ki, həmin dövlətlər İranı tənqid etsələr də, İsrailə dəstək verməklə qırğınlara və insan haqları pozuntularına şərik olurlar.
Açıqlamada həmçinin vurğulanıb: “Müharibə qızışdıran və müstəmləkəçilik siyasəti yürüdən ölkələrin İran əleyhinə bəyanatlar verməsi yalnız əsrin cinayətini ört-basdır etmək cəhdidir”. Nazirlik bəyan edib ki, həmin dövlətlər siyasətlərinə yenidən baxmalıdırlar.
18:27 14.09.2025
Oxunuş sayı: 4325
