Erməni komitə sədri: “Tramp yolu”nda gömrük xidməti fəaliyyət göstərəcək
Bəli, Tramp yolu”nda gömrük xidməti fəaliyyət göstərəcək, detallar müzakirə olunur.
Crossmedia.az xəbər verir ki, bunu bu gün Ermənistan parlamentində Dövlət Gəlirləri Komitəsinin sədri Eduard Hakobyan “Tramp yolu”nda gömrük sisteminin fəaliyyət göstərib-göstərməyəcəyi və hansı qaydada fəaliyyət göstərəcəyi ilə bağlı suala cavab verərkən deyib.
“O ki qaldı detallara, onlar hələ də müzakirə mövzusudur, amma mən həmçinin müsahibəmdə bildirmişdim ki, bundan asılı olmayaraq, bizim ümumi siyasətimiz gömrükdə totaldır. Yəni biz bütün sərhədlərimizdə ticarətin asanlaşdırılması istiqamətində islahatlar aparırıq, bunların bir hissəsindən dünən danışdım”, - deyə o bildirib.
“Həmin yol qovşağı və ya yol nədən ibarətdir, Avrasiya İqtisadi Birliyi qaydaları bu yolda tətbiq olunacaqmı?” sualına erməni komitə sədri belə cavab verib: “Tramp yolu” ilə bağlı dəqiqlik ondadır ki, məhz həmin müddəalar əsaslandırır ki, gömrük xidməti olacaq. O ki qaldı gömrük xidmətinin detallarına, onlar indi aktiv şəkildə müzakirə olunur”.
22:10 12.09.2025
Oxunuş sayı: 6025
