Əraqçı və Quterreş nüvə proqramı və regional məsələləri müzakirə edib
İranın xarici işlər naziri Abbas Əraqçı və BMT-nin baş katibi Antonio Quterreş arasında telefon danışığı baş tutub.
Crossmedia.az xəbər verir ki, tərəflər İranın nüvə proqramı, regional gərginliklər və beynəlxalq diplomatik proseslər barədə məsləhətləşmələr aparıblar.
Quterreş İranla Atom Enerjisi üzrə Beynəlxalq Agentlik (AEBA) arasında əldə olunmuş son anlaşmanı alqışlayıb və bu istiqamətdə dialoqun davam etdirilməsinə BMT-nin dəstəyini vurğulayıb.
Əraqçı isə İranın AEBA ilə konstruktiv əməkdaşlığını və Nüvə Silahlarının Yayılmaması Müqaviləsinə (NPT) sadiqliyini xatırladaraq, ölkəsinin nüvə proqramının dinc məqsədlərlə həyata keçirildiyini bildirib.
İran XİN başçısı həmçinin Avropa ölkələrinin ABŞ və İsrailin təhdidlərinə laqeyd yanaşmasını məsuliyyətsiz və əsassız adlandırıb.
21:53 12.09.2025
Oxunuş sayı: 925
