Misirdə qaçırılan İran diplomatı tapılıb
Dünən Misirdə qaçırıldığı bildirilən İranın keçmiş mədəniyyət müşaviri Əmir Musəvi İraqa qayıdıb.
Ərəbdilli mətbuatda tanınmış sima olan Əmir Musəvinin bir gün öncə Qahirədə oğurlandığı ilə bağlı xəbərlər yayılmışdı. Daha sonra İran mediası onu müdafiə nazirinin keçmiş müşaviri kimi təqdim edib.
Crossmedia.az xəbər verir ki, Əmir Musəvi bu xəbərlərin ardından özünün “X” sosial media hesabında paylaşım edərək, İraqa təhlükəsiz şəraitdə qayıdışının təmin olunmasında göstərilən səylərə görə İran və İraq hökumətlərinə, eləcə də Misirdəki səfirliklərə təşəkkürünü bildirib. (BBC)
Xatırladaq ki, İran Xarici İşlər Nazirliyinin sözçüsü mətbuat konfransında da Musəvinin İraq pasportu ilə Misirə daxil olduğunu və bir müddət Qahirədə yoxa çıxdığını açıqlayıb.
12:27 09.09.2025
Oxunuş sayı: 4709
