Trampın müşaviri: BRİKS ölkələri ABŞ-sız yaşaya bilməz
BRİKS ölkələrinin heç biri ABŞ-la ticarət olmadan yaşaya bilməz. Bu dövlətlər ixrac məhsullarını ABŞ-a satmaqla “qanını soran vampirlərə” çevrilirlər.
Crossmedia.az xəbər verir ki, bu fikirləri ABŞ prezidenti Donald Trampın ticarət üzrə baş müşaviri Piter Navarro “Real America’s Voice” telekanalına müsahibəsində səsləndirib.
O, BRİKS ölkələrinin vahid ittifaq olaraq qalmaq imkanına da şübhə ilə yanaşıb:
“Mən başa düşmürəm, BRİKS ölkələri necə bir yerdə qala bilər, çünki tarixi olaraq onlar bir-birinə nifrət edib və bir-birini öldürüblər”.
Qeyd edək ki, Donald Tramp daha əvvəl dəfələrlə bəyan edib ki, BRİKS ABŞ-a zərər vurmaq və dolların dünya ehtiyat valyutası rolunu zəiflətmək üçün yaradılıb.
Nihat Tahirov
11:00 09.09.2025
Oxunuş sayı: 3835
