Lavrov: Atəşkəs üçün yeni ərazilərin Rusiyaya birləşməsi tanınmalıdır
Rusiya Xarici İşlər Naziri Sergey Lavrov Ukraynada atəşkəs şərtlərini açıqlayıb.
Crossmedia.az xəbər verir ki, Lavrovun sözlərinə görə, Ukraynada atəşkəsin əsas şərti yeni ərazilərin Rusiyanın tərkibinə daxil olmasının beynəlxalq səviyyədə tanınmasıdır.
"Sülhün davamlı olması üçün Krım, Sevastopol, DNR, LNR, Zaporojye və Xerson ərazilərinin referendumlardan sonra birləşməsi nəticəsində yaranan yeni territori realı beynəlxalq hüquq çərçivəsində tanınmalı və rəsmi şəkildə təsbit olunmalıdır" — deyə Rusiya naziri bildirib.
O həmçinin Moskvanın prioritetinin konflikti sülh yolu ilə həll etmək olduğunu vurğulayıb.
Bundan əlavə, Rusiya XİN rəhbəri qeyd edib ki, fundamental sülh NATO-nun genişlənməsi ilə bağlı Rusiyanın təhlükəsizliyinə təhdidlərin aradan qaldırılması, eləcə də Ukraynanın neytral, blokdan kənar və nüvə silahsız statusunun təmin olunması olmadan mümkün deyil.
Niyaz Hacıyev
10:16 03.09.2025
Oxunuş sayı: 6231
