Azərbaycan 5 ölkə ilə CASCA+ marşrutunun inkişafına dair protokol imzalayıb
Azərbaycan, Qırğızıstan, Özbəkistan, Türkmənistan, Gürcüstan və Türkiyənin dəmir yolu administrasiyaları CASCA+ beynəlxalq multimodal marşrutunun gələcək inkişafına dair altıtərəfli protokol imzalayıblar.
Crossmedia.az Özbəkistan Nəqliyyat Nazirliyinə istinadən xəbər verir ki, sənəd oktyabrın 7-8-də Daşkənddə altı ölkənin dəmir yolu administrasiyalarının rəhbərlərinin görüşünün yekunlarına əsasən imzalanıb.
Tərəflər marşrut üzrə yük axınlarının artırılmasını, soyuducu konteynerlərlə yüklərin daşınması üçün rəqabətqabiliyyətli tariflərin tətbiqini, bütün marşrut boyunca fitinq platformalarının müntəzəm təmin edilməsini və limanlarda konteynerlərin boşdayanma müddətinin azaldılmasını müzakirə ediblər.
Protokol əldə olunmuş razılaşmaları təsbit edir və gələcək əməkdaşlığın prioritet istiqamətlərini müəyyənləşdirir.
13:16 09.10.2026
Oxunuş sayı: 52
