“Hraparak”: "Orduda və bütün hərbi sistemdə kütləvi ixtisarlar aparılır"
“Məlumatlara əsasən, orduda və bütün hərbi sistemdə kütləvi ixtisarlar aparılır”.
Crossmedia.az xəbər verir ki, bu barədə Ermənistanın “Hraparak” nəşri yazıb.
Nəşrin mənbəsinin sözlərinə görə, Ermənistan Müdafiə Nazirliyində, həmçinin nazirliyə tabe olan hərbi hissələrdə son aylarda hər hansı ciddi izahat verilmədən onlarla hərbçi ixtisar edilib.
“Mənbəmiz qeyd edir ki, hədəfdə əsasən attestasiyadan keçməyən, lakin çox az maaşla işlərini davam etdirən hərbçilərdir. Bütün bunlara baxmayaraq, mənbəmiz bildirir ki, orduda hərbçilərin əksinə olaraq mülki şəxslərin sayı misilsiz dərəcədə artıb.
Mənbəmizin sözlərinə görə, hərbçi təbəqəsi bütün bunları ilk növbədə maliyyəyə qənaət etmək üzrə dövlət siyasəti ilə, yalnız bundan sonra isə Ermənistan-Azərbaycan sülh prosesi ilə əlaqələndirir”, - deyə müəllif bildirib.
10:09 19.08.2025
Oxunuş sayı: 838
