Zelenski : “Ərazilər məsələsi yalnız mənimlə Vladimir Putin arasında müzakirə olunacaq”
“Ərazilərlə bağlı məsələ yalnız mənimlə Putin arasında müzakirə olunacaq”.
Crossmedia.az xəbər verir ki, bunu Ağ Evdəki danışıqlardan sonra Ukrayna prezidenti Volodimir Zelenski bildirib ki, Rusiya əvvəlcə Kiyevlə danışıqların ikitərəfli formatını, sonra isə üçtərəfli formatı təklif edib. Onun sözlərinə görə, Ukrayna liderlər səviyyəsində istənilən varianta hazırdır.
Zelenski qeyd edib ki, ərazilər məsələsi yalnız onunla Vladimir Putin arasında müzakirə olunacaq. O, tərəfdaşlarına ərazilərə real nəzarəti olan xəritəni göstərib və qeyd edib ki, Kiyev Putin və Tramp arasında mümkün ikitərəfli görüşün təfərrüatlarını bilmir.
"Bu, bizim ən yaxşı görüşümüzdür. Biz çox şeyi ətraflı müzakirə etdik", - deyə o qeyd edib.
Danışıqlarda həmçinin ukraynalı uşaqların qaytarılması yolları, o cümlədən təkcə hərbçilərlə deyil, mülki şəxslərlə də mübadilə variantı müzakirə olunub. Zelenskinin sözlərinə görə, ABŞ Ukrayna üçün təhlükəsizlik zəmanətlərində iştirak etməyə hazır olduğunu açıq şəkildə göstərib.
“Prezident bu zəmanətlər çərçivəsində 90 milyard dollarlıq yardım paketinin mövcudluğunu təsdiqləyib, onun təfərrüatları on gün ərzində işlənib hazırlanacaq. O, həmçinin Putinlə ilkin şərt olmadan görüşməyə hazır olduğunu bildirib, çünki atəşkəs tələbi Rusiyaya yeni tələblər irəli sürməyə əsas verə bilər” – Ukrayna lideri bildirib.
Elmir Heydərli
09:16 19.08.2025
Oxunuş sayı: 5305
