İranın Strateji Şurasının rəhbəri Ermənistana Tehranın narahatlıqlarını aradan qaldırmaq çağırışı edib
İranın Beynəlxalq Münasibətlər üzrə Strateji Şurasının rəhbəri Kamal Xarazi Ermənistanı Bakı-İrəvan razılaşması ilə bağlı İranın narahatlıqlarını aradan qaldırmağa çağırıb.
Crossmedia.az xəbər verir ki, Xarazi Ermənistanın xarici işlər nazirinin müavini Vahan Kostanyanla görüşüb və danışıqlar aparıb.
Cənubi Qafqaz regionunda sülh və sabitliyin təmin edilməsinin zəruriliyini vurğulayan Xarazi Ermənistanda ABŞ-nin iştirakı ilə bağlı narazılığını ifadə edib.
“Ümid edirik ki, Ermənistan hökuməti İranın narahatlıqlarını aradan qaldıracaq”, – deyə Xarazi bildirib.
Öz növbəsində Ermənistanın xarici işlər nazirinin müavini ümidini ifadə edib ki, İran prezidentinin Ermənistana yaxın vaxtlarda planlaşdırılan səfəri və yeni memorandumların imzalanması ilə iki ölkə arasında əməkdaşlıq yolu daha da genişlənəcək.
15:17 17.08.2025
Oxunuş sayı: 7723
