Zelenski: "Ukrayna üçün təhlükəsizlik zəmanətləri lazımdır"
Ukrayna Prezidenti Vladimir Zelenski ABŞ lideri Donald Tramp ilə telefon danışığında ölkəsi üçün ABŞ və Avropa dövlətlərindən təhlükəsizlik zəmanətləri tələb edib.
Crossmedia.az xəbər verir ki, bu barədə RBK-Ukrayna məlumat yayıb.
“Ukraynanın təhlükəsizliyi həm Avropa, həm də ABŞ-ın iştirakı ilə etibarlı və uzunmüddətli şəkildə təmin olunmalıdır”, deyə Zelenski “Telegram” kanalında bildirib. O, həmçinin qeyd edib ki, Ukrayna ilə bağlı bütün mühüm məsələlər Kiyevin iştirakı ilə müzakirə edilməlidir.
Dövlət başçısı əlavə edib ki, əgər Rusiya, ABŞ və Ukrayna arasında üçtərəfli görüş baş tutmasa, Moskvaya qarşı sanksiyalar sərtləşdirilməlidir.
Zelenski və Tramp arasında danışıq zamanı təhlükəsizlik zəmanətləri məsələsi də gündəmə gətirilib. Bu, NATO-nun 5-ci maddəsində nəzərdə tutulan kollektiv müdafiə prinsiplərinə bənzər, lakin NATO üzvlüyü çərçivəsində olmayan “NATO-dan kənar 5-ci maddə təhlükəsizlik zəmanətləri” kimi ifadə olunub.
Nigar Rəhimova
16:55 16.08.2025
Oxunuş sayı: 6376
