Makron: "Fransa Kamerunun müstəqillik mübarizəsindəki repressiyalara görə məsuliyyət daşıyır"
Fransa Prezidenti Emmanuel Makron, ölkəsinin Kamerunun müstəqillik uğrunda apardığı mübarizə dövründə törədilən repressiyalardakı rolunu rəsmi olaraq etiraf edib. Bu barədə Fransa-Kamerun birgə komissiyasının araşdırmalarına əsaslanan məktubunda bildirilib.
Crossmedia.az xəbər verir ki, Makronun Kamerun Prezidenti Pol Biyaya ünvanladığı məktubda qeyd olunur ki, 1945–1971-ci illərdə kolonial hakimiyyət və Fransa ordusu ölkənin bəzi bölgələrində müxtəlif növ zorakı repressiyalardan istifadə edib. Bu zorakılıqlar 1960-cı ildə Kamerun müstəqilliyini əldə etdikdən sonra da davam edib və Fransa həmin dövrdə müstəqil hakimiyyətin addımlarını dəstəkləyib.
Makron, yanvarda dərc edilən hesabatda göstərilən faktlara istinad edərək, Fransanın kütləvi məcburi köçürmələr həyata keçirdiyini, yüz minlərlə kamerunlunu düşərgələrə göndərdiyini və müstəqillik istəyini boğmaq üçün zorakı dəstələri dəstəklədiyini xatırladıb. “Bu hadisələrdə Fransanın rolu və məsuliyyətini etiraf etməliyəm”, – deyə o vurğulayıb.
Nicat Rüstəmzadə
11:21 14.08.2025
Oxunuş sayı: 7029
