Tailand Kambocaya xəstəxanalara dəyən zərərə görə iddia qaldıracaq
Tailand Səhiyyə Nazirliyi sərhəd münaqişəsi zamanı xəstəxanalara dəyən ziyana görə Kambocaya qarşı məhkəmə iddiaları qaldırmaq niyyətindədir.
Crossmedia.az xarici mətbuata istinadən xəbər verir ki, bu barədə Tailandın səhiyyə naziri Somsak Tepsuthin açıqlamasında bildirib.
Onun sözlərinə görə, Tailandın səhiyyə müəssisələrinə dəyən zərər təxminən 146 milyon bat (təxminən 4,5 milyon dollar) həcmində qiymətləndirilir.
Məhkəmə prosesinin başlanması barədə qərar ölkənin Daxili İşlər Nazirliyinin müvafiq göstərişi əsasında verilib.
Tailandda ümumilikdə 20 xəstəxana zərər görüb, onların beşi tam bərpa olunub, 12-si qismən fəaliyyət göstərir, 3-ü isə tibbi xidmətlərini dayandırıb.
Bundan əlavə, rayon səviyyəsində 149 ilkin tibbi yardım məntəqəsi zərər görüb və onların əksəriyyəti hələ də bağlıdır.
Pərvin Hacıyeva
13:53 07.08.2025
Oxunuş sayı: 13369
