Putin və Trampın görüşü üzrə razılıq əldə olundu
Rusiya və ABŞ prezidentləri Vladimir Putin və Donald Trampın yaxın günlərdə görüş keçirməsi ilə bağlı razılıq əldə olunub.
Crossmedia.az xarici mətbuata istinadən xəbər verir ki, bu barədə Rusiya Prezidentinin köməkçisi Yuri Uşakovun açıqlamasında bildirib.
Onun sözlərinə görə, sammitin keçirilməsi ilə bağlı hazırlıqlara artıq başlanılıb. Dövlət başçılarının görüşünün harada keçiriləcəyi də razılaşdırılıb, lakin bu barədə rəsmi açıqlama bir qədər sonra veriləcək.
“Amerika tərəfinin təşəbbüsü ilə yaxın günlərdə yüksək səviyyədə – yəni Prezident Vladimir Putin və Donald Tramp arasında ikitərəfli görüşün keçirilməsi ilə bağlı razılıq prinsipal olaraq əldə olunub.
Hazırda amerikalı həmkarlarımızla birlikdə bu görüşün konkret detalları üzərində işləməyə başlamışıq”, – deyə Yuri Uşakov qeyd edib.
Pərvin Hacıyeva
13:44 07.08.2025
Oxunuş sayı: 10298
