ABŞ-ın rüsum qərarından sonra Hindistan şirkətləri Rusiya neftinin idxalını davam etdirir
Hindistanın neft emalı şirkətləri ABŞ-ın Hindistana qarşı 25%-lik əlavə rüsumlar tətbiq etməsi qərarından sonra hökumətin göstərişlərini gözləyir.
Crossmedia.az xarici mətbuata istinadən xəbər verir ki, yeni tədbirlər Hindistanın Rusiya neftini idxal etməyə davam etməsinə cavab olaraq qəbul edilib. Vaşinqton bundan əvvəl də Hindistanla ticarət kəsirini azaltmaq məqsədilə tariflər tətbiq etmişdi, lakin hazırkı addımlar birbaşa Hindistanın Moskva ilə enerji sahəsində əməkdaşlığı ilə bağlıdır.
Dövlətə məxsus neft emalı zavodları (NEZ) təchizatları dayandırıb. Lakin özəl sektorun nəhəngləri — Reliance Industries, Nayara Energy və HPCL Mittal Energy — Rusiya neftini almağa davam edirlər. Hindistandakı özəl neft şirkətlərindən birinin onümayəndəsi bildirib: “Hökumət göstəriş vermədiyi müddətcə, biz Rusiya neftinin idxalını dayandırmayacağıq".
Pərvin Hacıyeva
13:12 07.08.2025
Oxunuş sayı: 4189
