Maşının vurduğu pişiyə yolun ortasında süni tənəffüs verdi, ürəyi masaj edildi
Türkiyənin
Niğdə vilayətinin Bor rayonunda avtomobilin vurduğu küçə pişiyi ağır yaralanıb.
Nömrə nişanı və sürücüsü müəyyən olunmayan avtomobilin vurduğu pişiyin köməyinə
ilk olaraq ətrafdakı vətəndaşlar çatıb.
Crossmedia.az
xəbər verir ki, bu barədə Türkiyə KİV-i məlumat yayıb.
Hadisə yerində olan bir şəxs pişiyə dərhal müdaxilə edərək ona uzun müddət süni tənəffüs və ürək masajı tətbiq edib. O, pişiyi həyata qaytarmağa çalışsa da, bütün səylərə baxmayaraq, heyvanı xilas etmək mümkün olmayıb.
Hadisə anları ətrafdakı insanlar tərəfindən mobil telefonla lentə alınıb. Sosial şəbəkələrdə geniş yayılan görüntülər, insanlarda heyvanlara qarşı artan həssaslıq və empatiyanı bir daha nümayiş etdirib.
Nigar
Rəhimova
23:03 26.07.2025
Oxunuş sayı: 7624
